细个食Pizza净系钟意一味够厚，觉得个批够抵食就够，直至去过意大利食过真正地道Pizza后先至知自己一直食错哂；返香港后接触到Pizza Express，当堂觉得原来香港都有似样的Pizza可以食到，一直以来都好钟意，甚至同男友拍拖周年纪念都会去撑台脚，贪佢气氛唔错之余又有水准！今次就同成班朋友仔一齐试咗Pizza Express 新出的六大传统Pizza，加上美酒的配搭同埋甜品来埋尾，成餐饭真系相当满足！
今次去到Pizza Express 位于湾仔永丰街的旗舰店，由于位处星街小区，餐厅design亦走Chic的路线，意式餐厅内挂上几幅中国景点的相片，却显得相当有玩味。
入座先来杯啤酒啤啤佢！听店内员工话，近期先将原本供应的Hoegaarden转成图中呢款MAC'S新西兰啤酒，味道相似却较为清爽，对我而言更是少了那份Hoegaarden独有的酸味，而且少了那份过份济腻之感，饮得过。
头盘先来鸡肉甜椒沙律 ($122)，有我最爱的配上鸡肉及火箭菜，加上在来自南非的辣甜椒，为味蕾带来小清新的感觉。
然后呢个小食CICHETI焗芝士小碟就真系要趁热食，食时用面包球裹上热辣辣意大利芝士，再加上焦糖洋葱，香浓芝味好醒胃。
Viviy是有点私心，想先介绍呢款至爱Pizza。呢款软心芝士薄饼其实系Pizza Express 为了庆祝其50周年，特意送了一team Pizza 专员去意大利当地寻找古法Pizza的制法而带回香港的Vera Pizza 系列之一。如果大家知道意大利的传统Pizza其实都只是用上2,3种材料去制，却可以食到食材的真味，就明白同港式大堆头Pizza的分别。明显地呢个 Vera Pizza 批边系较为松厚，但饼底依然薄脆 。就好似Pizza 起源意大利拿玻里的Pizza一样，简单，却是最好味！
饼如其名，软心芝士薄饼加上好似熔岩一样的巴马臣芝士，配上车厘茄及罗勒，面头加小小辣椒油吊味，好味同满足度真系爆灯，坚想encore多几次。
简单，却是最好味
 |
| 水牛芝士番茄薄饼 |
今次呢5款Vera Pizza 其实系有特别的意思。每个Pizza都会宁舍有一块系突咗一只角仔出来！原来系Pizza Express 特意在50周年呢个时间向「薄饼之守护者」St. Antonio the Abbot致敬的举动，因为Abbot每幅的画像中都有只猪仔在旁，所以每个Pizza边的角仔，其实就系一条猪仔尾！相传食到有猪仔尾果片Pizza既人都会特别Lucky，哈哈！
是晚叫咗 Barbera D'alba呢只镇店红酒来试，一支都只系$260，相当化算。不过Viviy仍是最爱来亲必点，口感偏jammy的MONTEPULCIANO D’ABRUZZO，原来呢度的酒都系经专人倾返来，唔怪得之以前饮完试过去其他wine cellar揾都揾唔到！
更多传统Pizza选择
 |
| Topping有银鱼柳、橄榄、酸豆水牛芝士的拿波里薄饼（$138) |
用上意大利火腿配上烤焗过的火箭菜做成的马里诺薄饼 (HKD145)，火腿的咸香配上水牛芝士，啖啖滋味。
同行友人就最爱呢款野菌薄饼，加入了意大利野菌、龙葵菇、 意大利水牛芝士同埋 blue cheese，味道小咸，不过最令人惊喜的是虽然加了重味的Blue Cheese，但就完全不难入口，平时不吃Blue Cheese 的朋友都可以品尝，加上野菌香气，十分诱人。
经典中的经典，于香港第一间分店已经开始发售的苏豪薄饼 (HKD131)成为今次六大Pizza中没法令人抗拒嘅一个。用上大量火箭菜，加埋leccino橄榄、蒜蓉及巴马臣芝士，简单的蒜香令人回味。
惹味蟹肉白酒汁意粉
叹完新Pizza，紧系要叹新pasta。今次两款新意粉中个人推荐蟹肉白酒汁意粉($135)，见得到的啖啖蟹肉、加上满口蒜蓉香及小小辛辣感，意粉同时好够弹牙，嗜辣如我食得好开心！
 |
| 喜欢蕃茄酱的朋友可以试吞拿鱼意粉。 |
四款甜品开心Share
女生居多的晚餐，有怎么能少了甜品？鲜果奶油蛋白饼虽然好大，但入口感觉相当轻盈。想要有咁漏的选择，可试吓雪糕或者意式芒果忌廉奶冻，清新！
最后以酒足饭饱Prosecco作结，这一餐相当满足！