少女上星期生日，其中一餐生日饭就系观塘Fish & Chick Plus食。餐厅在One Pacific 3楼，是第2分店，另一间在坚尼地城已甚有名气，而家九龙友可以近近地去观塘食啦。好喜欢餐厅的装修，以海洋为主题，带点悠闲风，环境好写意，枱与枱之间好阔落，好好坐。
而家有个冬日二人餐，好丰富，两个前菜拣左烟三文鱼沙律配蜜糖刁草汁同蘑菇汤，个汤好好饮。
头盘白酒煮蚬系我既超级推介，店长话系用珍珠贝，每日由香港仔渔市场新鲜运过黎，只用白酒调味，有淡淡酒香，超级鲜甜！
主菜系Fish & Chick Plus既主打，就系炸鱼薯条同烤鸡。炸鱼可以自选鱼的种类，大厨同我地细心介绍唔同鱼味道同肉质有咩分别，我拣左seabass，大厨话冇鱼腥味同埋好滑，结果真系冇令人失望，鱼肉好嫩滑！佢地既鱼都系每日新鲜运到架。仲附有海盐、柠檬、茄汁、他他酱同醋做酱汁，实有一款岩你合味。个烤鸡都烤得香脆！
甜品意大利奶冻好滑又唔会太甜，少女大爱。另外店长仲推介左另一个甜品－柠檬酱罂粟籽蛋糕，蛋糕松软，味道都几特别，可以一试。
最重要系价钱绝对经济，呢个丰富2人餐只系$299起，份量十足，每人百几蚊已经可以享受到新鲜高质晚餐啦！
店员服务超亲切，会耐心同你介绍menu，自动自觉加水收拾，上菜都够快，总结系一餐好满意的生日饭啊！之前同大家介绍过the entertainer呢个买一送一app，黎Fish & Chick Plus都可以用到买一送一优惠。只要出示返个app就可以享用主菜买一送一优惠啦，劲抵！输入LaLaHK2016可以用优惠价$385买到个app，成个app有超过1100个买一送一项目，可以用足一年，早买早享受，即刻去app store下载啦。
Fish & Chick Plus
地址：观塘观塘道414号One Pacific Centre 3楼302号
交通：观塘A2出口，APM旁
营业时间：星期一至日12:00-22:00