少女一直好想去北海道，但如果大家有留意都知道直航北海道机票好贵，而且好少减价，平均$4000以上，令唔少人却步。但最近少女终于有机会首次踏足北海道，全因廉航呢个伟大发明！来自日本的香草航空提供香港飞东京成田机场及由东京飞北海道新千岁机场的航线，价钱比直航平好多，来回机票未连税约$1914，仲不限机票有效期及停留东京时间，即系话呢个价钱可以一次过玩晒东京同北海道两个地方，真系超级抵！
讲到转机，大家或者会担心转机等候时间太长，留系机场无所事事又少左玩的时间。香草航空呢条香港－东京－北海道航线时间非常好，凌晨机由香港出发，去到东京系朝早7点几，中间只需要等两个钟，9点几就上机去北海道啦！去到北海道仲系朝早11点，仲有全日俾你慢慢玩！而且成田机场第3航厦有美食广场，又有几间好好逛的商店，仲有间香草航空专属的V Store，可以买好多纪念品同零食，逛完再食埋个早餐先上机去北海道，其实两个钟真系好快过。
回程呢，就可以中午由北海道飞东京，再夜机返香港。如果想玩埋东京，先去北海道回程再停东京几日就最好，可以shopping到够先返香港！香港往来东京成田机场每日有2班航班，成田往来北海道札幌每日最多7班，大家可以自己根据行程配搭最理想的航班时间，减少等候转机时间。
虽然系廉航，但香草航空d位比好多廉航都更阔落，坐得几舒适，采用机型系空中巴士 A320。香草航空系由另一间日本著名航空公司ANA Holdings 100% 拥有，所以绝对有信心保证。廉航冇飞机餐提供，大家可以上机另外买，有饭、三文治、杯面、零食、饮品等等，价钱合理。我试左一个几特别的卡士达奶油红豆面包，即系吉士酱加红豆馅，甜甜地都几好食，只需350yen。
北海道真系好好玩，唔同季节去有完全唔同的风景，要去多几次先得！有香草航空之后平价去北海道不是梦啦，大家可以考虑下搭香草航空呢条香港－东京－北海道航线呀！订票网址：www.vanilla-air.com/hk
