呢次出发去冲绳有2个目的
第一个系想试下系日本渣车
睇其他人游记，个个都话系日本渣车好容易、 冇咩难度
而且去乡郊或交通唔方便的地方，自驾会比较方便
虽然我有车牌，但已经十几年都冇渣过车
去一个陌生的地方渣车真系有D惊
所以选择系冲绳开始自驾游，应该唔会出大问题吧!? 
第二个系去冲绳蓝洞玩潜水和浮潜
我唔识游水，基本上所有水上活动唔会去玩
都系睇左人地游记，原来系冲绳玩潜水好安全
趁自己仲后生(!?)，应该多试试新事物， 免得老左会后悔
所以今次冲绳之旅献出了本人的两个第一次...
凌晨2点到达机场，空无一人
呆坐到5点就去柜台办理登机手续
飞机餐只有一个香肠面包..
飞机到达后，我习惯急步快走
除左想尽快呼吸日本的空气之外
我个肚开始有D痛，怀疑系个个面包出事...
系海关排队时回头一望
差唔多有百几人系我后面...
见到好似有2个旅行团刚刚到达
顺利出关后，先去洗手间
同以前一样，单身旅客都要打开行李检查
简单检查后就出去离境大堂
出去后已经见到OTS个牌
除左OTS外我仲见到其他的租车公司
如果冇记错见到有Toyota, Nippon和其他的
果然最多人系OTS，全部都系台湾人和香港人
和OTS工作人员确认个名后，佢会讲一个号码比你
当佢叫你个号码时，就可以跟佢出去坐接待巴士
系车上工作人员会讲系冲绳渣车有乜野要注意
但车内的冷气实在太弱，热到我汗流浃背
完全冇心情听佢讲野
仲要等佢讲完废话后汽车先会开...
大约十分钟到达OTS租车中心
出发前已经系OTS网页预约
40天前预约优惠，不论日文或中文版价钱都系一样的
取车时间 28/6/2015 13:00，归还时间 3/7/2015 18:00
基本费用: 14,280
免责保险费: 9,720
安心保险: 3,240
Wifi Pocket: 3,000
Total 30,240日元 换算港币大约 $1,960，平均每日 $326
网上预约时也顺便预订了一个wifi pocket
只有呢个OTS中心能够租借wifi pocket
而且要比5,000日元按金 (要用现金比)，还车时先会退返比你
Wifi本体，USB线，火牛和汽车充插
上网速度唔错 都几快
比钱后要等一陈，呢个时候可以去买海洋博物馆或其他景点的门票
之后有工作人员会揾你一齐去停车场取车
佢会同你一齐检查车身，如果有花痕会系纸上记录
之后上车佢会教你点用GPS
确认冇其他问题后，我的冲绳自驾游终于要开始了...
就系呢部 "小黑" 陪着我系冲绳旅游和冒险
设置好目的地后，急不及待即刻开车出发
个人感觉用电话号码比Map Code好...
虽然十几年冇渣车，只系渣左一陈，"车神" 的感觉返来了...
系高速公路上，只系跟着前车行，车速开到130km...好鬼爽...
高速公路只系直路一条当然冇问题
但系泊车技术就大大退步，倒后泊车要很多次先成功泊好
系呢6日渣车期间，只要根着GPS指示就去到目的地
唯一问题 (对我来讲) 关于要左转或右转时
距离转湾大约200米时，GPS会大叫 "立即转湾"...
比佢吓一吓，有几次都早左转弯...
害我走左好多冤枉路，浪费好多时间和汽油
其实当距离大约50米时预备转湾就唔会错
有一次都系右转，当距离100米时，我睇唔到前面有路可以转右，以为GPS出错
当距离30米先见到原来有条小路可以右转，但发现时都已经太迟...
曾经有一晚系浜の家附近，心急想早D转右入去停车场
见到冇车，就直接系右边的行车线度行...
差唔多到达入口时，突然有车系我面前出现...
对面个个司机见到我都吓左一跳，仲O哂嘴...
幸好最后都冇发生碰撞...
系某个大停车场，见到同我呢部车一样款式的
差唔多有十几架，全部都有OTS的贴纸....
车尾箱大约可以放到4个 25吋旅行箱
渣车途中有几次唔小心掂到屏幕，画面唔系freeze左就系去左第2个地方
解决方法只有揾地方停车，再重新设置GPS
注意: 渣车途中唔可以更改目的地，要停车和拉起手制，先可以再设置
车厢内有音源线提供，可以接驳手提电话播放音乐
开始时里程数系 55799
还车时系 56103，6日只系行左300多
而且只系入左一次油约3000多日元
