酒店位于芭提雅北部 Second Road ，就系Central Center对面
紫色的外墙好抢眼
酒店系2013年开幕，所以设备和房间仲好新
入住三晚价钱大约$2200港币，如果系周末每晚要再加多$100
酒店大门门口
门口有2座神像
仲有一个小佛塔
对面有几间餐厅，肚饿唔使周围揾野食
酒店大堂
Check in 时服务员话我预订的房仲未准备好，话可以免费升级去biz class但看不到海景
听到有免费升级当然即刻say yes啦
听落好似有赚但事后我有D后悔....:~
大堂对面就系酒吧
晚上可以来喝一杯
房卡系感应器拍一下，电梯先会开动
开门第一个反应，房好大...:D
出风口比SILQ 好很多，非常宁静，每晚都睡得很甜
床都好大张
小露台
网上book房时有要求高层的房间
企系露台可以居高临下看到周围的风景
都可以望到小小海景
梳妆台
周末才有的海鲜自助餐
衣柜和雪柜
衣柜内有浴衣 拖鞋 保险箱
上面的两支水是免费的，每天都会送
雪柜内的饮品则要收钱
冷气机温度和风速都可以调整
洗手间
原来泰国酒店好多都冇洗手液提供，只有肥皂
补给品就在柜内
有企浴和浴缸
系24楼有个小小的餐厅和泳池
其实应该说是水池，因为真的好细
不过系旁边可以坐低饮野和睇黄昏
黄昏时再上来影相
顶层的露天泳池，呢个先是最吸引我的地方
浸系水里睇周围风景真的十个正
系度游游水 晒太阳 睇风景 可以消磨半日时间
夜晚上来睇黄昏
呢张系房间的露台影的夜景
以价钱和地点来讲呢间酒店绝对值得推荐，但佢有一个致命缺点
第一日晚上大约10点我系房内休息时，突然听到 "砰"砰" 声的巨响
有D奇怪，隔离房竟然咁早就做激烈 "运动"...
过左一陈，我竟然听到有人唱歌…
唔系呀!!! 系芭提雅的第一个晚上我竟然撞鬼…好惊呀...:~
个时我真系有想过要不要换房…
之后再认真听听，发觉声音是从窗外传入来的…我仲更加惊...:|
不过我系无神论者，我大胆地打开窗台一看....
原来酒店对面有一个露天餐厅
佢只系晚上才开，有一队Live Band现场唱歌
喇叭声超级强大，我住系20几层都清楚听到佢地唱咩歌
每一晚都系唱到凌晨一点先收档，唔知系周末会唔会唱通宵…
如果你系习惯早睡的，绝对不要选择呢间酒店，会后悔的
好彩我每晚都会出去行街，好夜先返酒店，对我影响不太大
不过有小朋友或要早睡的，真系唔建议住呢间
之后我去tripadvisor睇呢间酒店的评价，原来真系有好多人投诉他们的嘈音
