曾经在韩国睇过雪景同樱花，今次终于到红叶啦！通常赏枫地点都系好偏远的郊外，所以今次就参加由KKday赞助的内藏山一天团。韩国有几座赏枫名山，比较出名系雪岳山同内藏山。内藏山位于全罗北道，被指定为韩国第8座国立公园，更是韩国最有名的8大美景之一。但内藏山离首尔市区实在好遥远，所以跟团就最good fit，有晒接送，完全唔驶plan，简直系懒人恩物。
一大早明洞上车（可以拣弘大上），即刻大训特训。导游超贴心，预备左一个包、一包蜜桃茶（系cony包装架好得意）同一枝水俾每个团友！出发个时落紧雨，导游仲每人派一件雨衣同一个驱蚊器，非常细心，值得一赞！！！题外话，导游系黎韩国working holiday的香港女生，我觉得几好㖞呢份工，搞到我都心思思......
训左两个钟左右，就黎到一间传统韩国餐厅，食个好味韩牛火锅做lung厨。个团包埋架！我都系第一次在韩国打边炉，其实d料同香港都差唔多，菜任食，仲有饺子同年糕。主角韩牛几好食，同食开的美国肥牛有得挥，佢厚身少少，牛味重d。
食饱上返车坐多20分钟左右就黎到内藏山啦！yoho！我地有3个钟自由同红叶影写真时间......好可惜天气不似预期啊，今年红叶期迟左少少，我10月25号黎，整体黎讲时都系绿叶多过红叶。间中会见到几棵好红，就会疯狂影个几棵，唔会放过任何一个影到好似好多红叶的机会！
其实内藏山点玩法呢？首先从门口搭接驳巴士，盛惠1000won，搭5分钟就到缆车站，再搭缆车上山，来回盛惠8000won（其实都系港币56蚊，唔好俾won个银码吓亲）。搭缆车可以从高空睇到红红绿绿的树，好似一旧旧西兰花......哈哈哈。
上到山个环境好森林的，继续都系红红绿绿的树，有展望台睇风景。山上的红叶开得比山下多，d红叶真系好靓仔。仲有韩国人在山上悠闲野餐！！！（好冻下㖞）
时间关系冇点样探索山上其他地方就搭返缆车落山啦。下一个必影位系缆车站附近的羽化亭。个亭在湖中央，仲有条石头路，成个景好有诗意，红叶加古亭成阵古典味出晒黎，我想作首诗呀！！！
之后向入口方向行返出去，大约半个钟路程，沿路好多好多好多好多枫叶树，可以想像转晒红色的话会靓到飞起。其实而家都还好啦，间中有好红的树，有转紧色黄黄地的，有成地都系红叶的，成个感觉都好有秋意，红黄绿几只色加埋一齐仲有层次。沿路仲有小桥流水，个环境真的好唔错，好想有一次系红叶最盛开的时候再黎！！！
3个钟自由时间大概就可以甘样玩内藏山啦，搭缆车有少少赶既，但如果一场黎到净系睇羽化亭同山下散散步我又觉得有点可惜，所以宁愿赶少少睇多d啦。跟住就搭返车出市区，大约3个钟车程，可以选择明洞或者弘大落车。
2016年11月头至中将会系首尔红叶全盛期，醒目少男少女可以考虑好似我甘参加一日团，舒舒服服就可以去到偏远地区赏枫。KKday有好多赏枫团，日本韩国都有，大家可以根据行程慢慢拣。除此之外，仲有其他景点旅行团、包车、景点门票等等......
