呢个日本婆婆70几岁，行路要拎拐杖，跟个女同女婿同游台北，入住我们旅馆，有日在旅游书上看到一间卖玉的店，佢非常想去，但佢个女同女婿都唔肯陪佢去。（乜料）婆婆完全唔识国语，佢用极度有限的英文夹杂超级多日文叫我地教佢点去。我又完全唔识日文，都只可以用英文单字同佢沟通，想帮佢叫架车送佢去等埋佢行完再车返返黎，佢又唔想㖞。好啦讲左好耐终于佢勇敢出发啦。我地都有点担心佢识唔识返黎，最后佢安全返黎又好开心话间店好多野睇呀佢买左野呀又好多谢我地教佢点去。见到佢好开心我都觉得好开心，呢个勇敢婆婆太励害啦，行动不便同语言不通都阻止唔到佢想去一个地方的决心。佢提醒我想去边度都要靠自己努力去到，任何年纪、任何难题都可以克服。同埋其实只要你态度良好，周围的人都会好愿意帮助你达成心愿。就算老左都要有冒险精神啊！
获得积分
发表游记 +5 文章被回复 +0
共 0 条记录 0/0页