有日在台北一间餐厅的杂志架，见到有本用香港的封面的台湾杂志，忽然想知道究竟台湾人眼中的香港系点样，所以就打开本杂志睇下。杂志用专题形式介绍香港，接近20页纸，大部份系访问左一堆在各行各业比较出名的香港人，讲下对香港的睇法。呢部份我冇兴趣，我日日都睇住香港人讲香港架啦，我系想睇台湾人点睇香港呀。
唔睇访问，专题个开场白应该系由台湾人写的，我睇左一次，觉得有点怪，于是再睇多次，我忽然明白个奇怪位系咩。台湾人笔下的香港，好靓，靓到根本唔系我熟悉的香港。印象最深刻系讲香港的密集式招牌同大厦，作者觉得好有诗意。我心谂香港人每日对住极度密集的环境就黎窒息死，你同我讲觉得好有诗意？请问首诗系乜诗？系咪d诗人就黎死个时写个种绝命诗？曾经有台湾朋友黎香港，我例牌带佢地去山顶，去到中环佢地不停话「哗！好高呀！大厦好高好美！台湾都没那么多高楼大厦，香港好厉害！」我又心谂：有咩咁厉害啫，我地就黎天空都睇唔到，想揾个位抖下气都block死晒，我地香港人灰到呕，你班台湾人就觉得好得意。
但谂深一层，佢地又冇讲错。因为我地每个人对世界总系充满误会。只要你唔系长居一个地方，你多数只会睇到佢好的一面。我都觉得台湾好好架，艺文青天堂／慢活小世界／香港人后花园／台湾最美的风景是人／民主社会／奋力对抗大陆化，赞美的话长讲长有，咩都好啦，但住左台湾一个月，听好多台湾人讲对政府的不满，佢地觉得蔡总统好钟意劳师动众推新政策，但新政策又对民生冇乜益处，唔搞好过搞只系揾着大家黎搞个种呢。又有好多人好钟意去日本旅行，又干净风景又靓野又好食日本人又有礼貌，但如果去做野生活，就知道佢地阶级观念极重，职场上男女地位非常不平等，升职总是男人优先，表面开放内里保守又传统，比较之下香港老板屎忽得黎都算随和，男女工作机会都算相等。韩国都系类似，BigBang呀孔刘呀oppa呀好潮好型仲有隐世极邪恶芝士拉丝部队锅添！但一个失业率高同自杀率高的地方可以有几潮有几型？韩国人生活压力大到爆炸，好多人都话韩国只系有包装的大陆，都真系好中肯。
讲起上黎，作为一个过客，我觉得台湾日本韩国都各有各诗意，真系好浪漫好正，空降几日游乐人间饮饮食食最开心，走个阵不带走一片云彩。从来蜻蜓点水式的远距离相交都系梦幻又美好，近睇就千疮百孔，我地都系无谓太熟，免得你失望。旅行只系典型的我睇你好，你睇我好，其实大家都唔多好。
话香港好有诗意的台湾人又点会知，而家香港人惨到连薯片叔叔都要赞好。香港人已经冇底线架喇，香港靓唔靓？从飞机上睇都唔错架，夜景闪闪发光，好似班高官咁离地睇就最正。
唔睇访问，专题个开场白应该系由台湾人写的，我睇左一次，觉得有点怪，于是再睇多次，我忽然明白个奇怪位系咩。台湾人笔下的香港，好靓，靓到根本唔系我熟悉的香港。印象最深刻系讲香港的密集式招牌同大厦，作者觉得好有诗意。我心谂香港人每日对住极度密集的环境就黎窒息死，你同我讲觉得好有诗意？请问首诗系乜诗？系咪d诗人就黎死个时写个种绝命诗？曾经有台湾朋友黎香港，我例牌带佢地去山顶，去到中环佢地不停话「哗！好高呀！大厦好高好美！台湾都没那么多高楼大厦，香港好厉害！」我又心谂：有咩咁厉害啫，我地就黎天空都睇唔到，想揾个位抖下气都block死晒，我地香港人灰到呕，你班台湾人就觉得好得意。
但谂深一层，佢地又冇讲错。因为我地每个人对世界总系充满误会。只要你唔系长居一个地方，你多数只会睇到佢好的一面。我都觉得台湾好好架，艺文青天堂／慢活小世界／香港人后花园／台湾最美的风景是人／民主社会／奋力对抗大陆化，赞美的话长讲长有，咩都好啦，但住左台湾一个月，听好多台湾人讲对政府的不满，佢地觉得蔡总统好钟意劳师动众推新政策，但新政策又对民生冇乜益处，唔搞好过搞只系揾着大家黎搞个种呢。又有好多人好钟意去日本旅行，又干净风景又靓野又好食日本人又有礼貌，但如果去做野生活，就知道佢地阶级观念极重，职场上男女地位非常不平等，升职总是男人优先，表面开放内里保守又传统，比较之下香港老板屎忽得黎都算随和，男女工作机会都算相等。韩国都系类似，BigBang呀孔刘呀oppa呀好潮好型仲有隐世极邪恶芝士拉丝部队锅添！但一个失业率高同自杀率高的地方可以有几潮有几型？韩国人生活压力大到爆炸，好多人都话韩国只系有包装的大陆，都真系好中肯。
讲起上黎，作为一个过客，我觉得台湾日本韩国都各有各诗意，真系好浪漫好正，空降几日游乐人间饮饮食食最开心，走个阵不带走一片云彩。从来蜻蜓点水式的远距离相交都系梦幻又美好，近睇就千疮百孔，我地都系无谓太熟，免得你失望。旅行只系典型的我睇你好，你睇我好，其实大家都唔多好。
话香港好有诗意的台湾人又点会知，而家香港人惨到连薯片叔叔都要赞好。香港人已经冇底线架喇，香港靓唔靓？从飞机上睇都唔错架，夜景闪闪发光，好似班高官咁离地睇就最正。
获得积分
发表游记 +5 文章被回复 +0
共 0 条记录 0/0页